رضا عبدالعال يفتح النار على «فيتوريا»بسبب قائمة منتخب مصر
فتح رضا عبد العال لاعب الأهلي السابق، النار على روي ڤيتوريا المدير الفني لمنتخب مصر، بعد إعلان قائمة الفراعنة لمعسكر نوفمبر الحالي، وشدد أن لاعب الزمالك هو الأفضل بمصر في مركزه.
وقال رضا عبد العال في تصريحات تليفزيونية ببرنامج اللعيب عبر قناة أم بي سي مصر: “احنا هنضحك على بعض، ونلعب حواريني ياكيكه، حازم إمام هو اللي بيبعت لفيتوريا الكشف باللاعبين”.
واضاف:” عبدالله جمعة لعب إمتى أساسي ده لعب 10 دقايق علشان فيتوريا يقول ضميته بعد مشاركته أساسي مباراتين:”
وشدد عبد العال:”عواد مستواه وحش ضميته ليه؟، لما عواد يرجع لمستواه ياخده، انت اترعبت وارتعشت من لجان الزمالك وجماهيره، وضميت عواد وريحت دماغك في لعيبه كتيره عليها علامات استفهام”.
وتابع: “لو مضمش عواد وعبدالله جمعه تحترمه لأن في لعيبه لعبت وكويسه، خدت محمود علاء ليه كان حلو في الطرد، كان شكله حلو؟ في أحمد حكم وخالد رضا”.
وأوضح:” والمصحف جاله الكشف بالاختيارات، بمستوى كريم فؤاد اللي منضمش وتضم عواد وعمر جابر”.
وأكمل:”كولر خايف يطلع أكرم توفيق علشان ميقلبش له وشه فيلاعب كريم قدامه، رغم إن مركز كريم باك يمين، وأكرم مبيعلبش اكتر من ربع ساعه”.
واختتم:” الماتشات شغاله وفيتوريا قاعد بيشوي وبياكل جمبري ومكبر دماغه، هو عمرو السيسي أصبح حلو دلوقتي لما لبس فانله الزمالك، رغم إنه افضل لاعب وسط في مصر من الموسم الماضي، وقولت هذا الحديث عقب مباراة السوبر بين الجيش والأهلي”.
