تبادل ألفاظ خارجة وتطاول.. ماذا حدث بين مرتضى منصور ومحمد سراج الدين ليلًا؟
شهدت الساعات الأخيرة، احتدام أزمة مرتضى منصور رئيس نادي الزمالك ومحمد سراج الدين عضو مجلس إدارة الأهلي، والتي اتشعلت الأيام الأخيرة، بسبب تصريحات الأول عن أزمة النادي المالية بسبب الحجز على أرصدته في البنوك.
وقال مرتضى منصور في تصريحات عبر قناة الزمالك: "أنا اتصرفت في فلوس وهندفع للموظفين والعمال يوم الأحد عشان مينزلوش الشارع، والقرار التاني هوقف النشاط الرياضي لغاية لما الدولة تتدخل متقوليش امتى".
بداية الأزمة جاءت بعد تعليق محمد سراج الدين على تصريحات مرتضى منصور، حيث كتب عبر حسابه على موقع التواصل الاجتماعي "فيسبوك": "تهديد علني للدولة على قناة الدولة بنزول العمال الشارع، لو مشاكل النادي المالية متحلتش".
وتابع: "طيب هي الدولة مالها، ما تحل مشاكلك أنت اللي بتوقع ناديك فيها، وبعدين ترجع تحلها وتلعب دور البطولة قدام الجمهور، وإزاي يتم السماح والموافقة على كم التهريج والإساءات اللي بتحصل دي على الهواء".
واختتم عضو مجلس إدارة الأهلي: "أمور غريبة الواحد بيشوفها بصراحة، وغير مفهومة وبتسئ للدولة قبل أي حد تاني".
اشتعال الأزمة بتطاول وألفاظ خارجة
رد مرتضى منصور على منشور محمد سراج، حيث قال في فيديو عبر "يوتيوب": "فيه واحد اسمه محمد سراج الدين، بيقول إني هددت الدولة بنزول الناس في الشارع، لو أنا عايز أهدد الدولة مكنتش اتصرفت في صرف مرتبات العاملين، لكن بقول هتيجي لحظة من اللحظات هفقد السيطرة على العمال إللى مش بتاخد مرتباتها”.
وأضاف: "بقوله مشاكل إيه إللى أنا عاملها يا عيل يا تافه، هل انت فعلا من عائلة سراج الدين؟، انت شكلك مجنون، لأنك شتمت قبل كده تركي آل شيخ، انت شكلك اهلاويتك مجنناك والغل واكلك وعلى العموم أنا رفعت عليك قضية النهارده عشان اربيك".
محمد سراج يرد
رد عضو مجلس إدارة الأهلي على تصريحات مرتضى منصور، حيث كتب: "بلغني إن في واحد مخـىٌل وعليه حكم حبس هارب منه شتمني من شوية على القناة اللي يملكها".
وتابع: "وأعلن أنه رفع عليا قضية، وسبب القضية إن أهلاويتي مجـناني وبهاجم ناس كتير مهمة وكده طيب يا سيد، أنا هاجمت الناس دي قبل كده عشان مبدأ وأسباب كتير أوي مش جنان مع نفسي كدة ولا حاجة".
واختتم: "هل بالمنطق مش هقدر أهاجمك انت مثلاً وأنت يادوب دلـدول للناس دي، وشخصية نكرة وتافه وبتاع كل الموائد وملكش مبدأ متبقاش غبي كمان، طيب وكده كده في بلاغ هيتقدم فيك صباحاً على الفيديو ده".
