سيف زاهر يكشف مفاجأة في حديثه مع فيتوريا
كشف الإعلامي سيف زاهر عن كواليس الحديث الذي دار بينه وبين البرتغالي روي فيتوريا المدير الفني للمنتخب الوطني الأول بشأن اختيارات قائمة المنتخب للمعسكر القادم.
وقال زاهر في تصريحات تلفزيونية لبرنامج ملعب أون تايم:”قابلت فيتوريا شخصياً وكلمته في حاجات كتير زي هناخد أمم إفريقيا ، طب هنوصل كأس العالم طب محمد صلاح والدنيا والليله ، لقيته بصلي وضحك، طب يعم رد عليا قول أي حاجة“.
وواصل :”قالي كل ده ملوش علاقة بالموضوع بتاعنا ، قولتله طيب إحنا عندنا كورة حلوه في مصر قالي جدا”.
وأكمل :”قالي المهم نعرف إحنا بنجمع فرقة ليه وعشان عاوزين إيه ، هو احنا هنجمع فرقه عشان نلعب ونكسب وخلاص ، لا إحنا بنبني جيل جديد وأهم حاجة في الجيل ده المنتالتي بتاعته تبقى عقليه انتصارية “.
وتابع :”قالي أنا درست الناس اللي موجوده من أول برادلي لحد كيروش و الناس دي كلها غيرت تدريجي مينفعش أبني جيل جديد على طول كده” .
وأردف :”سألته على الاختيارات اخترت مثلا فولان ليه قالي أنا شايفه لعيب كويس قولتله بس أنا وجهة نظري كذا قالي بس أنا وجهة نظري مدير فني ودي الأهم ودي مشكلتكوا كإعلام” .
وأتم :”سألته بقا أهم وأحلى سؤال ، أنت طريقه لعبك بتبنيها على محمد صلاح، قالي هو لعيب كبير بس لو محمد صلاح اتصاب هنعمل إيه ؟ قالي يعني هل ده كلام عقلاني إني أبني خطتي على لعيب واحد ؟ محمد صلاح لعيب كبير لكن لازم ابني الخطه على ١١ لعيب مش لعيب واحد” .
