قرينة السيسي في عيد ميلاده: «بحمد ربنا إنه إداني هدية زي الرئيس».. فيديو

بعثت سيدة مصر الأولى إنتصار السيسي، قرينة الرئيس عبدالفتاح السيسي، برقية تهنئة مفعمة بعبارات الشكر والثناء للرئيس عبد الفتاح السيسي بمناسبة عيده ميلاده، المواقف 19 نوفمبر، اليوم السبت.

وقالت إنتصار السيسي ، خلال لقاء سابق مع "صاحبة السعادة" المذاع عبر فضائية "دي إم سي"، مع الإعلامية إسعاد يونس، في رسالة وجهتها للرئيس: "أنا بحمد ربنا عليك، وبشكر ربنا إنه إداني هدية زي سيادة الرئيس".

وأضافت مواصلة رسالتها: "بتمنى ربنا يوفقك وتحقق كل طموحاتك وإنجازاتك للبلد اللي أنت بتحلم بيها وتوصل شبابنا لأعلى القمم والمناصب".

وتطرقت، في حديثها عن الرئيس إلى بداية تعرفهما وارتباطهما قائلة: "هو جه عند جدتي اللي هي خالته، أول ما كلمني ماحستش إنه واحد جاي يحب، ده بيقولي إنت بتذاكري كويس، وقالي ورينى كده، كنت عاملة جدول امتحانات، قالي ذاكرى كويس، لأن المذاكرة دي هي اللي هتوقف جنبنا، قلتله: جنب مين؟ أنا أصلًا لسه يدوب بتعرف".

وتابعت: "كانت البداية فيها جدية، تحسسك إن الإنسان ده مسئول، واتكلمنا وعرفت منه إيه السبب اللي خلاه يبقى عاوز المواصفات دي، لأنه هيبقى ضابط، وهيبقى مسئول، ومش هيكون متواجد بالبيت فعاوز اللى يختارها تكون قد المسئولية اللى هتمشى معاه مشوار حياته".

وعن الجوانب الحياتية و الشخصية في حياة الرئيس السيسي، قالت: "الرئيس السيسي يحب الخضار، بجانب طبق السلطة فهو أمر أساسي لا يمكن الاستغناء عنه، ويحب الحلويات الشرقية جدًا، وخاصة الكنافة والبسبوسة".