ميدو يسخر من «كيروش» : هو السبب في عدم تأهلنا لكأس العالم 2022

سخر لاعب نادي الزمالك ومنتخب مصر السابق، والإعلامي الحالي أحمد حسام ميدو، من البرتغالي كارلوس كيروش المدير الفني السابق للفراعنة، مُشددًا على إنه سبب عدم تأهل المنتخب الوطني إلى كأس العالم، قطر 2022.

وكتب ميدو عبر حسابه الرسمي بموقع التواصل الاجتماعي "تويتر": "مازلت مقتنع إن كيروش هو السبب الرئيسي في عدم صعودنا لكاس العالم".

وأضاف: "ماتش القاهرة بتاع السنغال لو ماسكنا مدرب عنده قلب كنا كسبنا مستريحين!! للأسف خاف ياخذ أي مخاطره في الشوط التاني!!".

وواصل: "أحلى حاجه اتقالت إنه مدرب عظيم بيهتم بالتفاصيل الصغيرة ده حتى بيهتم بطول النجيلة!!".

وأردف في "تويتة" أخرى: "من ضمن الدروس المستفادة من عدم تاهلنا لكأس العالم إن ماينفعش المدرج يبقى 80٪ منه المدامات والبهاوات وعيالهم في ماتش مصيري!".

واستكمل: "لازم جمهور الكورة الحقيقي بتاع الدرجة التالتة يبقى مالي الملعب.. الجمهور اللي طول عمره بيحرك الصخر.. جمهور القازوزه واللب وساندوتشات الحلاوة".

وأتم بـ"تويتة" ثالثة: "كرة القدم لعبة البسطاء لازم 60٪ من الملعب جمهور الدرجة التالتة التذكرة بـ40 جنيهًا بالكتير و30٪ الدرجة التانية و10٪ الدرجة الأولى والمقصورة الأمامية والمقصورة الرئيسية غير كده إقلبوها كروكيه ونلعب الماتشات في نادي الجزيرة الساعه 11 الصبح!!”.