بالفيديو.. عمرو أديب: العاصمة الإدارية إنجاز غير طبيعي للاقتصاد المصري

علّق الإعلامي عمرو أديب على عرض تقرير تليفزيوني لآخر الإنجازات التي تحققّت في العاصمة الإدارية الجديدة، قائلًا: «من 5 أو ست سنوات زميلتنا دينا الجندي كانت عاملة تقرير زي ده وهي تقف في الصحراء وسألتها يا دينا إنتي فين؟ قالتلي أنا هنا واقفة في العاصمة الإدارية الجديدة قليتلها يا دينا متقوليش الكلام ده الناس هتضحك علينا؛ فردت: «هيا هتبقى هنا يعني».

وأكمل أديب خلال تقديمه برنامج «الحكاية» المذاع عبر فضائية «إم بي سي مصر»: «كانت العاصمة حينها هِوْ، تراب ورمل فقط، واللي احنا شايفينه دلوقتي إنجاز غير طبيعي وغير عادي، واتقال إن العاصمة فنكوش ومش هتقدروا تكملوها، والفلوس خلصت، والممولين انسحبوا، وعمرها ما هتكمل، وهتوصلولها مياه ازاي؟ ولكن العاصمة الإدارية استطاعت أن تقول: «ها أنا ذا»، أحدث بنية أساسية، شوفوا البرلمان، والأوبرا الجديدة، والجوامع، والكنائس، والنهر الأخضر، والطريق الأخضر، ونحن أمام قوسين أو أدنى لانتقال الناس إلى العاصمة الإدارية الجديدة».

وأردف مقدم البرنامج: «حاجة محترمة، وفعلا مكناش مصدقين إن ده هيحصل بالجمال ده، وبالسرعة دي، وكانت التقارير تتحدث عن إنشاء العاصمة على مدار 20 عامًا، العاصمة الإدارية تدور الاقتصاد المصري».