عمرو أديب: الأهلي بيرقص على الحبال وببلغ النائب العام «فيديو»

تقدّم الإعلامي عمرو أديب، ببلاغ للنائب العام؛ ضد النادي الأهلي بسبب تهنئة الأخير بعيد ميلاده عبر حسابه الرسمي على موقع التدوين العالمي «تويتر»، قائلًا: «أنا ببلغ النائب العام دلوقتي بقوله النادي الأهلي بيرفع من شأن ويهنئ ويكرم أبو تريكة، وأنا مش من بتوع المؤامرة دي غلطة لا تقع فيها مؤسسة تربوية».

وأكمل أديب خلال تقديمه برنامج «الحكاية» المذاع عبر فضائية «إم بي سي مصر»: «أنا بحب الأهلي والكابتن الخطيب، لكن لازم تشيلوا التهنئة دي؛ يا جماعة ده راجل عمره ما عزا في ضابط مات ولا عسكري؛ ده راجل كان بيزور أهالي الإرهابيين اللي قتلوا الناس في كرداسة، المحكمة قررت إدراجه على قوائم الإرهاب، واللي هيحاول يقول أنا بلعبها أهلي وزمالك يبقى غلطان، أنا بتكلم عن البلد».

وأردف مقدم البرنامج: «لازم النادي الأهلي يطلع بيان، أو يشيلوا التهنئة، أو يسيبوها ويقولوا إحنا كده وإن أبو تريكة برقبة مصر كلها، والمحكمة قالت: ويترتب على قرار النقض بإدراج أبو تركية على قوائم الإرهاب، الإدراج على قوائم المنع من السفر، وترقب الوصول، سحب جواز السفر أو إلغاؤه، أو منع إصدار جواز سفر جديد، أو تجديده، فقدان شرط حسن السمعة؛ يعني النادي الأهلي حط تهنئة لواحد فقد حسن السمعة».