بالفيديو.. لحظة تحرش سائق ميكروباص بطالبة التجمع
تواصل النيابة العامة بالقاهرة الجديدة، التحقيق واقعة التحرش بطالبة على يد سائق ميكروباص أجرة، بعد أن قام المتهم بملامسة مناطق حساسة بجسدها، حال ركوبها الميكروباص الذي يعمل عليه المتهم من ميدان الحصري بمدينة 6 أكتوبر متجهًا إلى منطقة التجمع الخامس.
واستدعت النيابة العامة الطالبة المجني عليها؛ لسماع أقوالها حول تفاصيل الحادث، وطلبت سرعة ضبط وإحضار المتهم وعرضه على جهات التحقيق فور ضبطه، كما كلفت المباحث بعمل التحريات حول الواقعة، وأمرت بالتحفظ علي الفيديو الخاص بالواقعة، وتفريغه وإعداد تقرير بما يحتويه الفيديو وإرفاقه بملف القضية.
ودونت طالبة تدعى «رانيا سليمان» علي موقع التواصل الاجتماعي «فيس بوك» واقعة تعرضها لتحرش جنسي داخل سيارة ميكروباص، شارحة تفاصيل الواقعة، وقيامها بتحرير محضر بقسم التجمع الخامس بمديرية أمن القاهرة.
وكتبت المجني عليها على صفحتها الشخصية عبر «فيس بوك»: «أنا حرفيًا بكتب البوست ده وأنا منهارة ومكنتش متخيلة أن ممكن في يوم أنزل بوست زي ده مش عارفه أوصفلكم إحساس الخوف والتعب النفسي والجسدي اللي أنا فيه، أنا كنت راكبه التجمع من موقف الحصري مكنش فيه غير مكانين جنب السواق وأنا ركبت وبنت جنبي وفي نص الطريق حاسه بحاجه على رجلي وأنا مش عاوزه أعمل شوشرة عشان مظلموش».
وأكملت: «تراجعت للخلف وهو مصمم برضو لحد ما قررت اطلع تليفوني وأصوره على الأقل آخد حقي قانوني إيده كانت مش ثابته وكان عمال يديني في جنبي هو طبعا مش بيديني ف جنبي هو عاوز يلمس أي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ إن الكاميرا مفتوحة شد ايدي ومرضيش إن أنزل يقولي خدي تعالي معايا يا تيجي معايا يتتجيبي التلفون فضلت أقاوم ونطيت من العربية وأول ما نزلت صورته وصورت العربية».
وأردفت: «الحمد لله اني لحقته لأنه جري، هعمل محضر وهاخد حقي قانوني وحسبي الله ونعم الوكيل أنا حرفيا صوتي بقاله يومين مش طالع ومكنتش قادره أصوت للأسف أنا مش هقول غير كل بنت تاخد حقها أنا هعمل محضر وهاخد حقي إن شاء الله، لازم نحارب وكله يخاف يؤذي أي بنت».
