«ربنا يسامحني».. شاب ينهي حياته برسالة مؤثرة في الإسكندرية

" ادعوا لي ربنا يسامحني.. مبقتش قادر استحمل اكتر من كده"، بهذه الكلمات عبر شاب عن عزمه لإنهاء حياته، عبر موقع “فيسبوك”، وتداول رواد مواقع التواصل الاجتماعي رسالته.

وأرسل سامح محمد رسالة لأصدقائه وأقاربه قائلًا: “طمعان في مغفرة ربنا ثم في دعائكم وشفاعتكم ليا، يارب أنا حاولت استحمل لآخر لحظة ممكنة وأنت عليم بده فاغفر لي فأنا عبدك الضعيف”.

وقال: “أتمنى محدش ينساني إن مكنتش معاكم.. نفسي أي حد زعلته أو قصرت معاه يسامحني ويدعي لي.. نفسي لما الإمام يسالكوا قبل صلاتكم عليا "ما خطبي" أكون فعلا حد كويس وتشهدوا ليا بده قدام ربنا".

واستكمل: “وصيتي تحضروا جنازتي ومتنسونيش كل يوم بدعوة، ولو كل شهر بـ شِق تمرة صدقة ع روحي، ومتبطلوش صدقات جارية على روحي و لو بجنيه، وأي علم طلعته بفضل من الله لحد يستمر في تعليمه لغيره ويوصيه امانة يكمل صدقة جارية على روحي”.

وأضاف: “واللي فاكر أي حاجة شرحتها له أو Presentation حضره لي ياريت يعرضه بنفسه وهكذا لعلها المنجية مع دعائكم ومغفرة ربنا”.


وطلب من أصدقائه: "قوموا بنشر المقاطع العلمية في مجال الفضاء ودورات تدريبية لتكون صدقة جارية".

وأضاف: “نفسي تكملوا مسيرتي في علوم الفضاء وتخرج عقول مصرية منتجة ذات أثر، مسامح كل الناس، ما عدا ٢ دمروا حياتي بكل ما تحمله الكلمة من معاني وظلموني، آنا اسف مقدما لأي حد أذاه الخبر ده بس غصب عني، صبرت على قد ما قدرت، أتمنى تسامحوني”.


وقال: “عارف إني ممكن كنت مش الصاحب الكويس بالنسبة لك بس أتمنى تكون دلوقت قدرت أي تقصير مني إنه غصب عني، رسالتي الأخيرة للناس كلها بشكل عام عشان متكونش مُتفرِّج وبس، لازم كل حاجة بتحصل تبص لنفسك فيها وتشوف ممكن تتعلم إيه منها: راجع كل حرف بتقوله أو كل فعل بتعمله، حاسبوا أنفسكم قبل أن تحاسبوا”.

كما هاجم طبيبان نفسيان في الإسكندرية عندما أخبرهم بمرضه ويائسه موضحًا : “2 دكاترة بيقولي أنت مش مريض نفسي ولا جسدي وفي نفس الوقت كاتبلي 7 برشامات في اليوم لمدة 3 شهور تقريبا”.

واختتم كلامه: “اعملوا شير للبوست في كل مكان وسكرين شوت ليا عشان أخويا هيحاول يلغيه أو يقفل الأكونت، فـ مهما طلب منك متنزلهوش أو متنزلش السكرين متسمعلوش لو بتحبني فعلا وعايز الناس تدعي لي ومتنسانيش.. لو أعضائي سليمة اتبرعوا بيها لله".