ممرض يركب ”كانيولا” لرضيع وهو معصوب العينين.. ورواد السوشيال ميديا: ”لازم يتحاسب”
نشر إحدى رواد مواقع التواصل الاجتماعي، منشور على صفحته الشخصية، بموقع التواصل الاجتماعي"فيسبوك"، عن ممرض معصوم العين بقطعة قماش، ويركب كانيولا في رجل طفل يبلغ يوم واحد من العمر.
وقال: "طبعا الفيديو تم تصويره في عدم وجود أسرة الطفل المسكين اللي سايبين الطفل معاهم أمانة و فاكرين إن اللي هيتعاملوا مع الطفل بشر زينا كده".
وتابع: " ميعرفوش ان أرواح الناس لعبه ممكن ناس تلعب بيها عادي كده، رجل الطفل في ايده مش باينه و الكانيولا فضلت داخل خارج بيها والطفل يصرخ وهو ولا هامه المهم يكسب الرهان، لأنه لو خسر الرهان هيجيب فطار علي حسابه".
وأضاف: "مش مهم بقي نقطع وتر من رجل الطفل، مش مهم تقطع شريان ،مش مهم ،هنقول لأهله sorry، قضاء وقدر".
وأوضح أنه قدم بلاغ إلى النيابة العامة ، في الممرض ويدعى مصطفى محمد عبد العزيز، والذي يعمل في وحدة الحضانات الخاصة "الفاروق عمر" في مركز أبو قرقاص في محافظة المنيا، وزميله الذي معه في الصورة، ويدعى صابر محمد.
وتفاعل رواد السوشيال ميديا مع الواقعة، مطالبين بضرورة محاكمته معلقين: "منهم لله، الناس دي حسابها عند ربنا كبير، حرام عليهم دون بدون رحمه، قلوبهم حجر، ربنا ينتقم منكم".
