رسائل من منة عرفة وزوجها للشامتين بعد تصالحهما
أعلن محمود المهدي انتهاء الخلافات مع زوجته الفنانة منة عرفة، وذلك من خلال حسابه الرسمي عبر موقع الصور الشهير «إنستجرام» قائلًا: «الحمد لله دائمًا ثقتي في ربنا كبيرة، وشكرًا لكل واحد اتمنى الخير لينا، ربنا يردهولك أضعاف، والعكس لكل واحد شمت ربنا يردهولك أضعاف الأضعاف».
كما حرصت منة عرفة على أن تعلق على انتهاء خلافها مع زوجها، وكتبت قائلة: «من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بالنسبة ليكوا نكتة أو حاجة تتمسخروا عليها».
وتابعت: «رهان بتعملوه مع بعض على إننا مش هنكمل!، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي اللي ربنا ما يكتبها على أي ست مرحمتونيش ولا قدرتوا إني في موقف لا أُحسد علیه وشمتانين فينا! قد إيه إنتوا ناس متعرفوش ربنا ولا في قلوبكم رحمة، اتمنوا الخير لبعض يا جماعة بلاش نشمت في بعض».
واختتمت منة عرفة حديثها قائلة: «لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دي، وعسى أن تكرهوا شيئًا وهو خير لكم، يمكن الخلاف اللي حصل كشف لنا ناس كتير حوالينا كانوا بيمثلوا انهم فرحانين لينا بس الحقيقي إنهم كانوا مستنين أول مشکلة عشان يشمتوا في كسرتي وخراب بيتي، ربنا يخليلي أهلي وزوجي والناس اللي بتتمنالي الخير ووقفت جمبي».
