تامر أمين: « السوشيال ميديا بتغلوش على الاقتصاد وبتحبط الناس»
علق الإعلامي تامر أمين، على تصريحات رئيس الوزراء الدكتور مصطفى مدبولي الخاصة بتشويه وضرب الاقتصاد المصري عبر حملات موجهة على السوشيال ميديا.
وقال تامر، خلال تقديم برنامجه "آخر النهار"، المُذاع عبر فضائية "النهار"، مساء الأربعاء: "فيه "غلوشة" على الاقتصاد وحملات على السوشيال ميديا أن البلد بتفلس والاقتصاد رايح في داهية".
وأضاف، أن أغلب الأخبار على السوشيال ميديا موجه لضرب الاقتصاد المصري: "ده مش معناه أن الاقتصاد في أعلى حالته وأن البلد مش لاقية تودي الفلوس فين، وأن مفيش أزمة لا فيه أزمة وأزمة طاحنة بيمر بيها العالم كله".
وتابع: "الكلام اللي أن بقوله ده مش معناه إن الاقتصاد حلو، لا الأسعار غالية جدًا والأسواق صعبة جدًا وكان الله في عون رب الأسرة المصرية اللي مش عارفة يلاقيها منين والا منين، كلنا بنكح تراب دلوقتي على مختلف المستويات بس إحنا وحدنا لا العالم كله، وفي شعوب بدأت تكح دم".
وواصل: "الجماعة بتوع الحملات الموجهة دي بيعملوا إيه بيدوسوا على الجرح للآخر، ومسخر كل إمكانياتي على السوشيال ميديا، وأقوم دايس على الجرح لحد ما المريض يقول جاي، ومش بس أدوس على الجرح بالنواحي العاطفية
