رئيس نادي الزمالك: «لو محمود الخطيب كلمني وقال يا أستاذ مرتضى هنخلص موضوع كهربا»
وجه المستشار مرتضى منصور رئيس نادي الزمالك رسائل خاصة إلى محمود الخطيب، رئيس النادي الأهلي، بسبب غرامة محمود كهربا، الجناح الأيسر للفريق الأول لكرة القدم بالقلعة الحمراء.
وخلال تصريحات عبر فضائية «الزمالك»، قال منصور: «لو العلاقة محترمة، وفيها تحضر بين الزمالك والأهلي مفيهاش كذب ولا كيد نسا ومفيهاش لجان بتشتمنا 24 ساعة، كنا سنوافق على تقسيط غرامة كهربا»، مضيفا: «محمود الخطيب، لو رفع سماعة التليفون وقال يا أستاذ مرتضى، عاوز نخلص موضوع كهربا بطريقة ودية بعيدا عن المحاكم أهلًا وسهلاً به».
وأضاف: «احنا عملنا كده مع 500 نادي ومثال على ذلك في عهد سمير حلبية رئيس المصري السابق، كان لنا فلوس حصلنا عليها بعد سنتين، في علاقات محترمة، علاقتي مع يحيى الكومي ومحمد مصيلحي وكامل أبوعلى علاقة محترمة، معندناش مشكلة، إنما أنا عامل حملة على الزمالك رقم واحد وعلى مجلس الإدارة رقم 2 ومرتضى رقم 3 هيبقى في تفاهم ازاي؟ إنما بالود والاحترام سنوافق على تقسيط غرامة كهربا».
وتابع: «أنا اللي صعبان عليا في الموضوع كله كهربا، الواد مستقبله ضاع فهو كان لاعبا في المنتخب وكان من أفضل لاعبي مصر هو فين دلوقتي؟».
وأكمل: «أنا علاقتي مع جميع أعضاء مجلس إدارة الأهلي جيدة، ولكن محمود الخطيب، لديه مشكلة من ناحيتي أنا».
