مفيدة شيحة: «رشدي أباظة محبش غير صباح وسابها عشان سامية جمال زعلت»
قالت الإعلامية مفيدة شيحة، إنه على المرأة أن تكون مرنة ولديها القدرة على التعامل مع ظروف الزواج المختلفة.
وأضافت مفيدة شيحة، خلال برنامجها "الستات"، المذاع على قناة النهار: "رشدي أباظة ساب صباح عشان سامية جمال زعلت، تقديرًا لمشاعرها".
وتابعت: "صباح حطت شرط أنها تتجوزه، وقالتله يوم واحد فقط، وهيرجع بعدها لسامية جمال، عشان متزعلش، كانت أخلاقها رائعة، اختارت أنها عايزه الشخص ده في الحلال ومش هاخد أكتر من كده، لكن دي في النهاية مقدرة ومرنة".
وأكملت: "لو مش هتقدري تصمدي، هتتعبي، وهيجيلك أمراض الدنيا، وهتبقي كئيبة، لازم يبقى عندك مهارات للتعامل مع ظروف الجواز".
