الرئيس السيسي يكشف سبب إنشاء صندوق خاص لقناة السويس «فيديو»

كشف الرئيس عبدالفتاح السيسي أسباب إنشاء صندوق خاص لقناة السويس، قائلا: "أنا قولت لكم قبل كدا إن قناة السويس دي طول عمرها بيجلها دخل بتديه لوزارة المالية".

وأضاف الرئيس، خلال كلمة سابقة له بفعاليات جلسات المؤتمر الاقتصادي،: "سألت رئيس الهيئة الاقتصادية لقناة السويس بقوله معاك كام قالي مش معايا فلوس، قولتله إزاي مؤسسة عملاقة زي دي وميكنش عندك 300 أو 400 مليار، معقبا: "المليارات عندي ملهاش قيمة على فكرة واللي بيسمعني عارف الكلام دا".

تابع: "عملنا صندوق خاص لقناة السويس وحطينا فيه الفلوس، وقولتله متصرفش منها إلا لو أنا قولت اصرف، مستكملًا: "النهاردة الصندوق به 80 مليار جنيه يعني كمان سنتين أو تلاتة يكون عندي 200 مليار جنيه داخل الصندوق".

وأكمل: "دلوقتي أقدر أقول يا بتوع الاقتصاد تعالوا قولوا لي أفكار، معقبا: "أنا أعمل فلوس من أي حتة بس غير إني أنصب على حد، إحنا مش بننصب على حد إحنا بنيجي على نفسنا".