عمر كمال: «ربنا استجاب دعوتي ودخلت السعودية بدعوة رسمية»
حرص مطرب المهرجانات عمر كمال أن يروي قصة زيارته للمملكة العربية السعودية العام الماضي، أثناء زيارته الحالية للسعودية، وكتب على حسابه الرسمي عبر موقع الصور الشهير «إنستجرام» قائلًا: «بوست هكتبه عشان اختم بيه اليوم الحلو ده، شهر 1 السنة اللى فاتت 2020، كان عندي شغل في جدة وكنت لسه مش معروف زى دلوقتي خالص وربنا كتبلى وعملت عمرة، وقتها كان قبل شهرين من الكورونا قبل الدنيا ما تقفل كلها».
وتابع: «المهم روحت وقعدت قدام الحرم ودعيت ربنا بكل حاجة نفسي فيها، قولتله يارب نفسى أدخل السعودية بدعوة رسمية وأجي مهرجان كبير وصوتي يبقى مسموع، قولتله يارب نفسى أركب عربية كذا، قولتله يارب نفسى أسكن ف المنطقة كذا».
واختتم حديثه قائلًا: «قولتله نفسي ونفسي، وأقسم بالله مفيش حرف واحد طلبته ألا وأتحقق أكتر من اللى طلبته وزيادة، والسنة دى روحت السعودية تانى بوضع تانى وفي ظل كل الظروف والعقبات ربنا كتبلي تاني أروح وازور الحرم، اللهم لك الحمد والشكر يارب ودعواتي المرة دى تتحق كلها وأجى السنة الجاية بدعوات جديدة».
وفي سياق آخر يستعد عمر كمال لتصوير أولى مشاهده في فيلم «أخطر اتنين في مصر» والذى يتعاون فيه مع حمو بيكا في أول تجاربهما السينمائية وهو من إنتاج محمود شاهين، وجاري إنهاء التعاقدات مع باقي فريق العمل.
وتدور أحداث الفيلم في إطار كوميدي اجتماعي حول شابين أحدهما قادم من السويس والآخر من الإسكندرية للعمل بالقاهرة، ويتقابلان في موقف رمسيس، وخلال الأحداث يتشاجر بيكا مع أحد الأشخاص في الشارع وهنا يتدخل عمر كمال لتهدئة الأوضاع ليصبحا صديقين بعد هذه المشاجرة ويبدآن رحلتهما.
