«فارد نفسك على إيه؟».. طارق يحيى يفتح النار على فيريرا بعد خسارة أسوان

فتح طارق يحيى نجم الزمالك السابق، النار، على البرتغالي جوسفالدو فيريرا المدير الفني للفريق الأول لكرة القدم، بعد الهزيمة أمام أسوان، بهدفين لهدف، في الدوري.

وقال طارق يحيى في تصريحات عبر برنامج "زملكاوي" المذاع على قناة "الزمالك": "دي ممكن تكون أخر حلقة ليا، لكن هاتكلم، أسامة نبيه لما قام يتكلم مع فيريرا في الفاول اللي جيه جول، الراجل رفض وقاله أقعد متتكلمش".

وتابع: "هو في اية؟ انت فارد نفسك على إيه؟، محدش يلومني على اللي بقوله، لما اتكلم كله يسكت، محدش يتكلم، إحنا لعبنا وشقينا وتعبنا في النادي وجيبنا بطولات".

وواصل: "محدش يقولي متتكلمش، لا هتكلم، هنفضل ساكتين لحد أمتى، ما إحنا كنا ماشيين زي الفل، إيه اللي حصل للراجل في دماغه، كل حاجة كانت زي الفل، مستحقاتك بتاخدها انت واللاعبية والدنيا زي الفل، ومحدش مأخر عليك حاجة".

وتساءل يحيى: "إزاي يدخل في الزمالك 3 أهداف من كور ثابته في مباراتين، ليه؟، دا انت لو بتلعب مع ريال مدريد مش هتدخل أهداف زي دي، واللاعيبة قالت في المحاضرة إحنا بنقف غلط، لكن انت قولت لا هتقفوا كدة، والنتيجة شربنا 3 أهداف في ماتشين".

واختتم طارق يحيى تصريحاته: "ربنا ستر الماتش اللي فات، أه صح الجول جه من نيران صديقة، لكن وقفتهم غلط، هو في إية؟، هو كن فيكون".