بسمة وهبة لـ ”حسام حبيب”: إنت بتدمر شيرين وبحملك المسؤولية

انتقدت الإعلامية بسمة وهبة، الفنانة شيرين عبد الوهاب بسبب زيارتها للمطرب اللبناني فضل شاكر، قائلة: "أنت بتدمر شيرين يا حسام، اتقبض عليها بعدما زارت فضل شاكر، وتم استجوابها، أنا زعلانة على شيرين، أنا فاقدة أعصابي لإني بحبك".

وأضافت وهبة، خلال تقديمها برنامج "90 دقيقة"، على قناة "المحور": "ليه بتدمري نفسك يا شيرين ونازلة منحنى للقاع، رغم إنك كنتِ فوق ونجمة الوطن العربي، أنا بحمل حسام حبيب مسؤولية ما حدث، لأنك مسيطر عليها، وإنت الوحيد اللي جنبها وماسك تليفونها وإنت الوحيد اللي عايش معاها".

وتابعت الإعلامية: "في ناس كتير بتحب شيرين، هاتيلك مدير أعمال واحد يخطط لك، أنتى أيقونة ليه بتدمري نفسك، بقيتي في القاع، رغم إنك مش كده يا شيرين، عرضتِ نفسك لمسائلة قانونية وممكن تتحبسي، أنتى فنانة كبيرة، وتقدري تجيبي 10 مدراء أعمال، الفن ضد الإرهاب، فتروحي تقعدي مع إرهابي".