«أنا مين علشان أهاجمه؟».. طارق يحيى يتراجع عن تصريحاته ضد فيريرا

فسر طارق يحيى نجم الزمالك السابق، تصريحاته السابقة التي فتح فيها النار على البرتغالي جوسفالدو فيريرا المدير الفني للقلعة البيضاء، بعد الخسارة أمام أسوان.

وشن طارق يحيى هجومًا عنيفًا على فيريرا، بسبب هزيمة الفريق بهدفين دون رد ضمن منافسات الدوري، حيث قال للبرتغالي: "فارد نفسك على إيه؟".. طالع التفاصيل

وأوضح نجم الزمالك تصريحاته السابق، في مداخلة عبر برنامج "زملكاوي": "أنا بتكلم لمصلحة النادي، أنا منتمي للكيان ولما انتقدت كانت مباراة مش الأداء في العموم".

وتابع: "مقدرش أتكلم عن فيريرا أو أي مدرب بشكل سيئ، أنا كنت عايز بس طريقة اللعب تتغير، وأشدت بطريقة اللعب عندما فوزنا على الإسماعيلي".

وشدد: "كلامي مش مسئ لفيريرا، أنا انفعلت علشان أنا شغال في الزمالك مش زي باقي الجماهير، يعني عارف حجم الكوارث اللي بيعاني منها بسبب المالية، أنا منمتش من امبارح، وكنت في القناة من 2 الظهر لحد 2 بعد منتصف الليل".

وواصل: "شوفت حزن جماهير الزمالك اللي سافرت ورجعت بعد الخسارة، إزاي أكون هادي؟".

واختتم طارق يحيى تصريحاته: "أنا مش بهاجم حد، أنت انتقدت طريقة لعب الزمالك أمام أسوان، مين أنا عشان أهاجم فيريرا، أنا انتقدت طريقة لعب خسرتنا قمة الدوري".