يوسف الحسيني: مصر معندهاش أزمة في السلع ومفيش حاجة ناقصة | فيديو

قال الإعلامي يوسف الحسيني، إن مصر تبني اقتصادها وتسدد الديون في مواعيدها رغم الأزمة الاقتصادية العالمية.

وأضاف يوسف الحسيني في برنامجه التاسعة المذاع على قناة الأولى الفضائية، مساء أمس الأربعاء: مصر تسدد المديونيات اللي عليها، ودا عكس ما تم الترويج له في الأشهر الماضية، وتم الترويج له من ناس من داخل مصر، وكنت أفتكرهم بيحبوا مصر أكتر من كده.

وأكمل الإعلامي يوسف الحسيني: الاحتياطي الأجنبي النقدي في مصر ينمو في ظل الأزمة، ونعمل حاليا على توطين الصناعة وجذب المزيد من الاستثمارات.. ومصر ما بين الكورونا وما بعد الكورونا تسدد اللي عليها وتستمر في معركة بناء كبيرة جدًا.

وتابع الإعلامي يوسف الحسيني: مصر بتبني اقتصادها من أول وجديد، العالم بيتكلم على اللي احنا عملناه، ومصر مش بتبني بيوت وكباري وطرق فقط، مصر بتعمل مدن كانت تراب.

وأشار الإعلامي يوسف الحسيني إلى أن مصر تقوي اقتصادها، رغم الأزمات الاقتصادية العالمية، متابعًا: مصر معندهاش أزمة في السلع ومفيش حاجة ناقصة، غالية اه بس موجودة.