هتهزي كيانه.. ياسمين عز: مينفعش تقولي لجوزك نزل السَبت من البلكونة

وجهت الإعلامية ياسمين عز مجموعة نصائح للزوجات، قائلة: "أنتي ليه بتنادي على جوزك بدون ألقاب، أنا هعمل لكم حلقة بعنوان تفخيم الزوج، وقوليله يا أستاذ محمد تحب تشرب إيه، مفيش حاجة اسمها يا محمااا".

وقالت ياسمين عز، خلال برنامجها "ليه بتنادي على جوزك حاف، قولي لجوزك يا أستاذ، بلاش لو اسمه محمد تنادي وتقولي محماااا وتاكلي آخر حرف من اسمه.. يعني ينفع لو اسمك سماح يقولك يا سماااااا؟.. هتعملي مشكلة وتقولي إنه بيخونك مع واحدة اسمها سما".

وتابعت: "مفيش حاجة اسمها جوزك أستاذ محمد بينزل السبت من البلكونة، لازم نحافظ على تفخيمه، أنا بعتذر لك الغي السبت، أرجوكي ما ينفعش يقف في البلكونة ينزل السبت أنتِ كده هتهزي كيانه".