«هحاسب شلة المعلمين».. مرتضى منصور يتوعد لاعبي الزمالك قبل القمة
فتح مرتضى منصور رئيس مجلس إدارة نادي الزمالك، النار على لاعبي الفريق الأول لكرة القدم، بعد وداع منافسات كأس مصر على يد بيراميدز.
وقال مرتضى منصور في تصريحات عبر قناة الزمالك: "أنا شايف شللية في الزمالك وشلة معلمين، ومش هسمح بكده وأنا اللي هحاسب وأعاقب".
وتابع: "فيه لاعيبة متخاذلة، هيتحاسبوا حساب عسير، واللي شايف نفسه مش قد قميص الزمالك يجيب عرض للنادي".
وشدد: "في لاعيبة عملت جلسة إزالة شعر بالليزر ودا شى مقرف، وفي غرامة أتوقعت على كل اللى عمل كده".
وواصل: "فيريرا مش هيمشي، لكن بقوله متكرهش الجماهير فيك، واتقي ربنا في موهبتك وتاريخك ومتعاندش نفسك".
واختتم مرتضى منصور تصريحاته: "حققنا بطولات وخسرنا بطولات والزمالك باقي، وجماهيره العظيمة تقف خلفه، ولازم اللاعيبة تصالح الجماهير ويكونوا على قد المسؤولية".
