نجم الزمالك يكشف رد فعل مرتضى منصور على تألق كهربا
علق أحمد دويدار نجم الزمالك السابق، على تألق محمود عبد المنعم كهربا لاعب الأهلي بعد مشاركته في مباراة سموحة بنصف نهائي كأس مصر.
وكتب دويدار عبر حسابه الرسمي على موقع التواصل الاجتماعي "فيسبوك": "مبسوط لكهربا إن ربنا كرمه في ماتش النهاردة، بغض النظر الفلوس هتتدفع لان ده حق الزمالك".
وتابع: "والمستشار مرتضى هيعرف يجيب حق النادي كويس، كهربا أخطأ والأهلي أخطأ، لكن أنا ضد قطع عيش لاعب، ومبحبش الشماتة والحرب اللي دايرة ما بين الجمهورين علي الميديا ملهاش أي لزمة وعصبية زيادة".
وواصل: "ماتش النهاردة يخلي إدارة الأهلي تفكر جديًا بدفع الغرامة كاملة، وأنا قولت كهربا أفضل من أي لاعب حاليًا في النادي الأهلي".
وأضاف دويدار: "مصلحتي الغرامة تتدفع لنادي الزمالك، وكهربا يلعب مع الأهلي الموضوع سهل وبسيط انت هتستفاد إيه كمشجع إن اللاعب يبطل كرة ؟".
وشدد: "أكتر واحد مبسوط دلوقتي علي مستوي كهربا، هو مرتضي منصور لإنه أتأكد إن مجلس إدارة الأهلي هيدفع الغرامة، لأن لو مجلس الإدارة مدفعش هيقابل ضغط من جمهور الأهلي وهيخسر جمهوره".
واختتم دويدار: "في كل الحالات الزمالك مستفاد".
