«خايف وبترعش» .. أول رد من مرتضى منصور على شكوى الخطيب ضده
رد مرتضى منصور رئيس مجلس إدارة الزمالك، على شكاوى إدارة الأهلي برئاسة محمود الخطيب، بعد سب محمود كهربا لاعب الفريق في وسائل الإعلام.
وقال مرتضى منصور في تصريحات عبر قناة "الزمالك": "هل في حد يقدر يتكلم على محمود الخطيب في صفحات الأهلي؟، كهربا قدم شكوى أنا خايف وبترعش دلوقتي".
وأضاف: "نفس الأشخاص المأجورين اللي يقولو إن فيريرا مُستمر ومرتضى هيخرب النادي، لو كنا أقلنا المدرب كانوا هيقولوا مرتضى خرب النادي".
وواصل: "قدمت استقالتي لوزير الرياضة 4 مرات، مش عايز أكمل، لكن الدولة ترفض وتقول حسين لبيب ساب النادي كالخرابة".
وشدد: "مرتضى منصور مش هيسيب حق الزمالك، والدليل حمدي النقاز ومحمود كهربا، مفيش قضية خسرناها، حتى قضية جروس، فزنا بها ولما مشينا خسرتها من بعدنا لجنة حسين لبيب".
واختتم مرتضى منصور تصريحاته: "مش بشوف أي حاجة ليها علاقة بالأهلية، ولا هرد لأن الدولة قالت متردش".
