«إوعى تعاتب جاهل».. «ريهام سعيد» تشعل الخلاف بين «ساويرس» و«هاني شاكر»
ساندت الإعلامية ريهام سعيد القرارات التي اتخذها الفنان هاني شاكر نقيب المهن الموسيقية، وذلك من خلال حسابها الشخصي بموقع الصور الشهير إنستجرام.
وكتبت ريهام سعيد معلقة على صورة نشرتها للمطرب هاني شاكر: «أمير الغناء العربي، إوعى تزعل انت أكبر من كدة بكتير، واوعى تعاتب جاهل، مش فاهمين إن لو الإعلام والغنا والتمثيل اتساب من غير رقابة ده هايبوظ الذوق العام».
وأضافت ريهام: «اتمنع ليه فيلم أنجلينا جولي؟ اتمنع علشان ولادنا ومستقبلهم علشان قيمنا ودينا، على فكرة كنت أول واحدة بدافع عنهم في بدايتهم، موزة وشاكوش وغيرهم، بس اللي حصل بعد كده كان مخجل حتى في ناس من اللي متسابين يغنوا بقوا بيقدموا إسفاف، ووجود الراقصة اللي ملهاش دعوة بالفن خالص بلبسها العجيب بقى حاجة ثابتة في الكليبات».
وتابعت: «أستاذ هاني شاكر، شكرًا إنك بتحافظ على الفن المصري اللي كان فيه أم كلثوم وعبد الحليم حافظ، كان في شكوكو بس كان مونولوجيست ما بيقولش على نفسه مطرب، ولا بيقول كلام خارج، لو مؤمنين أن في حرية مطلقة يبقى وافقوا على انتشار المخدرات والأفلام الإباحية وغيرها وقولوا كل واحد حر يختار الطريق اللي يناسبه».
وكان صراع قد نشب بين الفنان هاني شاكر ورجل الأعمال نجيب ساويرس، واشتعلت حرب التصريحات بينهما بسبب اعتراض الأخير على قرار منع مؤدي المهرجانات من الغناء.
