الهاني سليمان يتقدم ببلاغ للنيابة بعد اتهامات بالتفويت أمام الأهلي
رد الهاني سليمان، حارس مرمى الفريق الأول لكرة القدم بنادي سموحة، على تلميحات مدربه السابق طارق العشري، بتفويت مباراة الأهلي، في نصف نهائي كأس مصر، والتي انتهت بفوز الأحمر بثلاثة أهداف مقابل هدف.
وكتب الهاني سليمان، عبر صفحة الرسمية على موقع التواصل الاجتماعي فيس بوك: "أولا أنا أحب أشكر كل الناس المحترمة اللي قدمت الدعم لي الفترة اللي فاتت، الحمد لله والفضل لله أنا من بعد ماتش الأهلي متكلمتش.. ولا طلعت في أي قناة اتكلم فيها لأن ربنا وهب لي الناس المحترمة أنها ترد غيبتى".
وتابع: "الحمد لله أنا أبويا رباني على كل حاجة حلال في الدنيا.. وعرفني الحلال من الحرام.. أنا طول تاريخي ولعبي كورة.. كل المدربين اللي اتمرنت معاهم تجمعني بيهم أجمل وأحلى علاقه واحترام.. الحمد لله أنا بلعب في نادي محترم ونادي كبير ومجلس إدارة محترم".
وأضاف: "في الآخر ممكن أي حد ينتقدني في الكورة.. وده أنا متقبله طبعا.. إنما تشكك في ضميري وفى أخلاقي وفي تربيتي وتطعن في ذمتي.. ده اللي أنا عمري ما هسكت عليه.. إحنا دولة كبيرة وبلد مؤسسات.. والقانون هو اللي بيحكم.. لذلك قررت إني أقدم بلاغ للنيابة في كل واحد تطاول على ذمتي علنا قدام الناس كلها.. سواء مدرب أو صحفي أو عضو.. واللي هيقرره القانون أنا معاه.. وشكرا".
