«أنا أصلا مهندس ميكانيكا».. الفنان أحمد داود يكشف كواليس برنامج «الكونتينر»

أعرب الفنان أحمد داود، عن سعادته لخوضه تجربة برنامج جديد يحمل اسم "الكونتينر".

وكشف أحمد داود، عن مهنته الأساسية وأنه حاصل على هندسة ميكانيكا، وعمله الأساس مهندس ميكانيكي.

وقال أحمد دواد: "تجربة جديدة أول مرة أعملها.. وعشان أنا أصلا مهندس ميكانيكا تحمست جدا من أول ما عرفت الفكرة، ومكنتش مصدق كم المصانع اللي عندنا والتطور اللي حاصل فيها وكمية المنتجات اللي بنصدرها، حاجة فعلا لازم كل الناس تعرفها".

وتابع: "وأنا بصور البرنامج تحمست جدا للشغل والإنتاج عموما مهما كان مجال شغلك إيه.. وكمان زود عندي الأمل والتفائل.. أتمنى يحصل كده مع كل اللي هيشوف البرنامج".

وأضاف أحمد داود: "برنامج "الكونتينر" الموسم الأول منه قريبا جدا .. أتمنى يعجبكوا ويبسطكوا ويديكوا شوية أمل زي ما حصل معايا وأنا بصوره".