مرتضى منصور لـ الخطيب: «انت بتعمل فتنة وهتولع الدنيا بصفقة قندوسي»

علق مرتضى منصور رئيس مجلس إدارة نادي الزمالك، على تعاقد الأهلي مع أحمد قندوسي لاعب الفريق الأول لكرة القدم بنادي وفاق سيطف، المنتقل حديثًا لصفوف الأحمر.

وأعلن أمير توفيق مدير التعاقدات بالنادي الأهلي، ضم أحمد قندوسي لمدة 4 سنوات ونصف، ليكون رابع صفقات الأحمر في الانتقالات الشتوية.

وقال مرتضى منصور في تصريحات عبر قناة "الزمالك": "مارسيل كولر طلب رأس حربة وأمير توفيق فشل، فجاب أحمد قندوسي والأهلي مش محتاج لاعب وسط، بعد ما اتعاقد مع مروان عطية".

وتابع: "أنت هتولع في البلد يا خطيب، لأن جمهور الزمالك مش هيسكت عليك، أنت أخدت قرض 300 مليون وخسائر 200 مليون في الكورة، رايح تجيب لاعب كان بـ15 مليون بـ60 مليون جنيه".

وأوضح: "رئيس وفاق سطيف وافق على انتقال قندوسي للزمالك بـ 500 ألف دولار، إزاي يوصل عرض الأهلي لـ 2 ونص مليون دولار في لاعب انت عندك مكانه لاعيبه كتير؟، لكن انت عايز تعمل فتنة وتولع الدنيا بين الأهلي والزمالك".