«مسميها أبلة الناظرة».. علي الحجار: زوجتي مراية حقيقية ليا وبتفائل جدًا بوجودها

احتفل الفنان علي الحجار بعيد زواجه الـ 20، قائلًا: "20 سنة جواز بالنسبالي حاجة كبيرة أوي، مراتي قدرت تحتويني، وبقالنا شهر بنشوف هنحجز قاعة في مكان ونلبس عريس وعروسة ولكن الحمد لله أصحابنا جم وأسعدونا جدًا، وكان يوم حلو".

وقال الحجار، في مداخلة هاتفية لبرنامج "الستات"، المذاع على قناة "النهار": "الحب بيعالج أي حاجة في الدنيا وخلاني أنا وهي مع بعض 20 سنة، هدى مراتي مبتطنش أي حاجة، أنا مسميها "أبلة الناظرة"، والنقد السلبي عندها أكتر ما تقولي مميزاتي، هي مرايتي الحقيقية وصريحة جدًا معايا".

وأضاف: "الفنان محتاج مراية ليه، وكثرة المعجبين بيخلي الواحد يصدق نفسه، لكن هي دايمًا مرايتي الحقيقية، إحنا أصدقاء جدًا، وبنتعامل مع بعض كده، وده نافعنا إحنا الاتنين".