ميدو: الفساد في الكورة المصرية بقى «على عينك يا تاجر»
حذر أحمد حسام ميدو من الفساد في الكرة المصرية بسبب وكلاء اللاعبين، مطالبا بالكشف عن العمولات الخاصة بكل وكيل من الأندية.
قال ميدو في تصريحاته عبر برنامج الريمونتادا على قناة المحور: "اللي بيتظلم في النظام الكروي في مصر الناس اللي عندها ضمير لأن الناس دي هي اللي هتتحارب".
وأضاف: "أنا عايز كل نادي في الكورة المصرية حجم العمولات وكل نادي دفع عمولات كام في آخر خمس سنين".
وواصل: "الفساد الكروي في مصر بقى على عينك يا تاجر، وأراهن إن في ناس هتتسجن بسبب العمولات المدفوعة في الصفقات".
واختتم حديثه، قائلا: "في ناس هتتسجن لو العمولات بتاعة كل نادي اتكشفت واللي شوفته في فترة الانتقالات حاجة مخيفة".
