«قلبي وجعني عليهم».. بدرية طلبة تكشف تفاصيل تعرض حفيدتها لحادث

أثارت الفنانة بدرية طلبة، قلق جمهورها، بعد حديثها عن سقوط حفيدتها ودخولها المستشفى.

وكشفت بدرية طلبة تفاصيل الحادث، قائلة: "إحساس صعب ربنا ما يوريه لحد امبارح حفيدتي الكبيرة تالين وقعت في المدرسة وراحو بيها على المستشفى قعدت تحت الملاحظة وللأسف أنا مش جنبهم أنا في شغلي بالرياض".

وتابعت بدرية طلبة حديثها: "قلبي وجعني فجأة عليهم من غير ما حد يقولي، لاقيت نفسي بتصل واطمن وهما مخبين عليا ولما عرفت كنت بموت لأني بعيد عنهم لكن الحمد لله".

وأضافت: "ربنا طمن قلبي وتالين بقت كويسة وقامت بخير وسلامة ربنا ما يكتب على ولادنا وأحفادنا حاجة وحشة ولا ننضر فيهم أبدا ويطمنكم علي حبايبكم الحمد لله اللهم لك الحمد والشكر".