مرتضى منصور: «هقاضي الواد أحمد موسى وحازم إمام خد على دماغه»
واصل مرتضى منصور رئيس مجلس إدارة الزمالك، هجومه على مسؤولي الاتحاد المصري لكرة القدم، بعد رفضهم قيد صفقات الفريق الشتوية.
وقال مرتضى منصور في تصريحات صحفية: "حازم إمام بيقول محدش طلبني، رغم إن وليد العطار كلمه، وحازم عامل المؤامرة كلها، وأنا وقفت جنبه 20 مرة، لكن قال على جثتي، أنا هوريك جثتك أنت وشوبير والخطيب وأحمد موسى هقاضيكوا".
وتابع: "جمال علام مسافر ووليد العطار كان جنبنا، مين إللي كتب البيان حازم إمام، إحنا عملنا محضر إثبات حالة وهنقدم شكوى لوزيرالرياضة اللي اتصل بيهم وقال خدوا الفلوس من الشركة الراعية قالوا لأ".
واختتم مرتضى منصور تصريحاته: "هما عاملين مؤامرة علشان الجماهير تقلب عليا لكن التريند دلوقتي هيبقى اشطبوا حازم إمام، وهياخد على دماغه".
وكان مرتضى منصور، قد تدخل لقيد لاعبي الفريق قبل دقائق من غلق باب القيد، حيث توجه لاتحاد الكرة وأثار أزمة مع موظفي الجبلاية للسماح بقيد اللاعبين، رغم عدم تسديد مديونية النادي.
