«فرعونك نعمة».. ياسمين عز تُعدد فوائد «الطبطبة» على أكتاف الأزواج - فيديو

كشفت الإعلامية ياسمين عز، عن أهمية أكتاف الرجل بالنسبة للمرأة وفائدة "الطبطبة" عليها، على حد تعبيرها.

وخلال تقديمها برنامج "كلام الناس" المذاع مساء الجمعة عبر فضائية "إم بي سي مصر"، تساءلت ياسمين عز: "لماذا نُطبطب على كتف الرجل؟".

وخاطبت السيدات قائلة: "شوفي معاناة الراجل المسكين والحزن اللي احنا فيه"، مضيفة أن الراجل منذ صغره لو بكى يتركوه حتى يصمت وحده.

وأضافت: "لو بكى في صغره يقولك سيبوه يبكي هيسكت لوحده وكذلك لو حزن أو انقهر هيقولوا سيبوه هو هيفك لوحده، ازاي يعني نطلعه من الفريزر ولا نحطه في الميكرويف، بينما الست في صغرها لو بكت يجروا عليها ويطبطبوا عليها ليه هو انتي بطة على راسك ريشة وهو ملوش صاحب ولا أهل".

وأردفت: "احنا أهله يا ستي نطبطب عليه.. طبطبي بإيديكي على أكتاف جوزك بدل ما تيجي واحده تطبطب وتطبقه وتاخده وتمشي، واحمدي ربنا على جوزك، وانتي كان فتى أحلامك زمان كابتن ماجد وربنا كرمك من وسعه بفرعون حطيه على راسك وامشي".