شاهد.. سيدة تُلقن ياسمين عز درسًا قاسيًا: «فضلت أبوس رجليه وإيديه وخاني قدام عيني»

كشفت إحدى السيدات تُدعى "زينب" في مداخلة هاتفية مع الإعلامية ياسمين عز، مساء الجمعة، عن تعرضها لإهانات عديدة من طليقها.

وخلال اتصال هاتفي مع برنامج "كلام الناس" المذاع على فضائية "إم بي سي مصر"، وجهت السيدة حديثها لمقدمة البرنامج "ياسمين عز"، وقالت لها: "كلامك جميل جدًا لكني أعطيت طليقي أولادي بالرغم إنه شتمني ورغم الضرب والإهانة تنازلت عن كل حاجة".

وتحدثت السيدة عن طليقها قائلة: "مسكني شتمني وأخذ عيالي غصب عني ورجعتهم بأمين شرطة وقف معايا لغاية ما جابلي ولادي منه، وانتي بتتكلمي إن أبوس رجله وإيده أنا كنت بعمل كدا لكن كنت بتضرب واتهان".

وأضافت: "والله العظيم كنت بشوفه في أوضة النوم بيخوني ويقولي إنت ست طخينة ومش مكفياني وبيقبض 7 آلاف جنيه ومش بيديني فلوس، ورغم كل الإهانات دي كنت بوريه ولاده وإزاي تقولي إنتي كدا".

وأوضحت السيدة أن لديها صور بخيانته لها والعديد من الرسائل، مؤكدة أن ابنته الصغيرة كانت تحرضها على الفجور.

من جانبها، ردت الإعلامية ياسمين عز، وقالت: "أنا بقول كلمة حق، مدح الرجل المحترم شيء وفي نوعية مش بتكلم عنها، مدام زينب مثال للست المحترمة عملت اللي عليها وزيادة".

وتابعت "عز" حديثها: "مش دا خالص اللي تبوسي إيده أو اللي تحطيه فوق الراس دا مليش دعوة بيه ولا بجيب سيرته، أنتي من الستات التعبانة الشقيانة".