مكسيم خليل يكشف صدمة: «ناس بتسرق مساعدات وإعانات زلزال سوريا»
أثار الفنان مكسيم خليل الجدل حول احتمالية سرقة تبرعات الفنانين والمشاهير اةللمساعدات التي ترسل إلى سوريا .
ونشر مكسيم خليل على حسابه الشخصي بموقع الصور الشهير إنستجرام معلقًا: "نداء لأصحاب الضمير، بتقدر تحكي شو شفت وتفضح هادول الاشخاص بالاسم تحت، بالصور المرفقة عينة من رسائل كتيرة عم توصل انه هلأ وبهذا الوقت المأساوي يلي عم يعيشوه السوريين وبعد مرور كم يوم على وحدة من اكبر الكوارث .. المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا".
وأضاف: "مع الاسف في ناس تسرق و تخبي و تبيع الاعانات .. في منهم شيوخ وفي منهم مخاتير وفي منهم هلال ومنظمات وفي منهم جيش وتجار.. طبعاً البعض لانه اكيد في ناس عمتشتغل بكل اخلاص.. يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس.. الخ".
وتابع: "مابعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا، هدول الاشخاص يلي عم يستغلوا الوجع ليحققوا ربح.. الامل منهم مقطوع".
واستطرد قائلًا: "ندائي هو للناس الحقيقية والنضيفة.. ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس وتحطوهن قدام الاجراءات القانونية المناسبة".
واستكمل: "برجع بأكد الموضوع ما بشمل الجميع بس الاكيد انه عميأثر على كل اشكال التبرعات المالية والعينية. يلي ماعنده ضمير مارح يفيق هلأ ضميره، بس الامل بلي عنده ضمير، وانا رأيي ممكن يكون هون مكان تحكوا شو عم يصير و شو شفتو بالاسم".
