بالفيديو.. تيسير فهمي تكشف تفاصيل وفاة شقيقها خنقًا في مستشفى خاص
كشفت الفنانة تيسر فهمي، عن تفاصيل مصرع شقيقها خنقًا داخل أحد المستشفيات الخاصة أمس الإثنين، قائلةً: «أخويا كان المفروض يخرج من المستشفى النهاردة، والصبح إحنا رايحين المستشفى عشان نخرجه لقينا المستشفى متشمعة وفي بوليس ونيابة بعد ما حصل حريق جوه».
وأكملت تيسير، خلال مداخلتها الهاتفية مع الدكتور معتز عبد الفتاح مقدم برنامج «تحت الشمس» المذاع عبر فضائية «الشمس»: «أنا مش عارفة سبب الحريق، لكن قالوا اتنين اتخنقوا في الرعاية منهم أخويا، واتنين مصابين، لكن إيه الحريق، حصل في إيه، هما اتخنقوا من إيه، أو ازاي معرفوش يطلعوا المرضى ازاي، كل دي حجات مش عارفينها لما تخلص تحقيقات النياب».
وأردفت: «تصريح الدفن مخرجش لحد دلوقتي الصبح الساعة 9 الصبح -أمس الإثنين- رايحين ناخده لقيناه اتوفى، ونقلوه مستشفى امبابة العام لحد ميطلع تصريح الدفن، وأنا معرفش الحريق حصل من إيه، وبعض الناس بيقولوا الحريق كان في غرفة الأكسجين وأدى إلى دخول ثاني أكسيد الكربون لخنق المرضى، وكل واحد بيقول سبب أنا مقدرش أفتي فيه تقرير النيابة لم يخرج لنعرف السبب».
