زينة: «قولت إن نور الشريف تمثيله وحش وأول ما شوفته عيطت وجريت»
تحدث النجمة زينة عن تفاصيل تعاونها مع الفنان الراحل نور الشريف خلال مسلسل حضرة المتهم أبي، مشيرة إلى أنها كانت تقول عليه ممثل سيئ.
وقالت زينة خلال لقائها في برنامج صاحبة السعادة الذي تقدمه الفنانة إسعاد يونس: "دوري مع نور الشريف خدت فيه جوائز كتير جدًا، وهو كان بيقولي هتاخدي جوايز من هنا، وده على حسب لو اجتهدتي في الدور، وبقيت أقول هو بيقولي ده علشان أعمل الدور كويس، كنت في أولى جامعة وكنت عملت حالة حب، وسيد العاطفي، وظاظا، لكن بعد نور الشريف الطريق اتفتح، والموضوع بالنسبالي كان مختلف، علشان كنت جرئية، والحقيقة غير ده".
وأضافت زينة: "اللي رشحتني للدور الأستاذة رباب حسين هي بتحبني أوي، وقالتلي أنا مرشحاكي في الدور، وقالتلي إنه نور مش موافق عليكي خالص، قولتلها بيمثل وحش وأنا مش من جمهوره، ومتقنعوش والمفروض يفرح".
وتابعت: "كنت عيلة صغيرة، ومش فاهمة حاجة، وقولتلها هعمل الدور ده حتى لو موافقش، وأنا أجمد من إني أعمل بروفات ترابيزة، ورباب حسين قالتله، وأول يوم تصوير وهموت وأعمل الدور حلو، وافتكرت إن الدور لبس، وأول ما دخلت، قالولي أستاذ نور مستنيكي لقيته لابس الجلابية بتاعت الدور، وحسيت إن هو أكبر من الدور، وعيطت وجريت".
واستكملت: "وجالي قولتله أنا مش هقدر أشتغل مع حضرتك، وقالي لا إنتي كويسة، ولو مكنتيش خوفتي كنت همشيكي، وأنا قصدت أخوفك، وفي ممثلة مستنية على التليفون".
