عمرو أديب: «لو دخلت عليا بفطيرة مشلتتة هو ده الحب».. فيديو

علق الإعلامي عمرو أديب، على الاحتفالات بعيد الحب، قائلا: "أنا مبحبش أجيب هدية في الفلانتين ومبحبش حكاية إن الهدية تكون متعلقة بمناسبة وبحب حقي ناشف.. حد يديني حقي ناشف وأجيب أنا اللي عايزه".

وأضاف عمرو أديب، خلال حلقة برنامج "الحكاية"، المذاع على فضائية "إم بي سي مصر"، أن التعبير عن الحب يمكن أن يكون في أي يوم من العام وليست مرتبطة بيوم 14 فبراير فقط، معلقا: "هي المشاعر مبتتحركش غير يوم 14 فبراير".

وأعرب عن تعجبه من شراء الدباديب في عيد الحب كهدايا، معلقا: "مش عارف إيه أهمية الدبدوب ولن أشتري هذا العام دبدوب وسأكون أنا الدبدوب، إيه فكرة الدب وعلاقته بالحب وكل سنة يجيلك دب وليه الباندا رمز الحب".

وتابع: "لو دخلت عليا بفطيرة مشلتتة ومعاها شوية عسل أبيض هو ده الحب.. إنك تسعد الإنسان اللي بتحبه".

واستنكر ما تفعله بعض الأمهات من إرسال هدايا في عيد الحب للمدرسات: "ليه في عيد الحب ابعت هدية لميس سوسن".