مرتضى منصور: «مصر نفسها مديونة.. والاتحاد قال مفيش قرار بمنع قيد الزمالك»
وجه مرتضى منصور رئيس مجلس إدارة نادي الزمالك، تحذيرات لمسؤولي الاتحاد المصري لكرة القدم، بعد استمرار أزمة قيد ثلاثي الفريق في القائمة.
وقال مرتضى منصور في تصريحات عبر قناته على موقع الفيديوهات "يوتيوب": "الأزمه المالية بالزمالك كانت طاحنة، بسبب الححز على الأرصدة، ومش عارفين نتعامل بالحساب البنكي".
وشدد: "إحنا صبرنا طال لكن لسة مخلصش، لانه لو خلص مش هشوف قدامي، اتحاد الكرة بعت للفيفا ليه؟، أنت اللي وقفت القيد بقرار من مجلس الإدارة وتقدر تلغيه، إحنا مستنين الدولة كلها تبص لإنه مسألة أمن قومي".
وواصل: "مش الزمالك بس لا الأهلي والإسماعيلي لأنهم أندية جماهيرية، ميصحش تلعب معها، كل شوية تقولي لما الفيفا ترد، إديني سند قانوني لمنع القيد، وبلاش تفرض عضلاتك على واحد مستبيع".
وتابع: "بقول لاتحاد الكرة ارجعوا لعقلكم القرار سهل، والمحامي بتاعك قال في المحكمة مفيش قرار مجلس إدارة بمنع قيد الزمالك، وممكن أطبع كلامه وأترجمه وأبعته للفيفا".
واختتم مرتضى منصور: "اتحاد الكرة مديون لاستاد القاهرة ولجنة المنشطات، ومصر نفسها مديونة وأمريكا، نتمنى الفيلم الهابط ده ينتهي علشان دمه تقيل، القصه عند وتحدي معايا، بلاش النادي".
