سامح حسين: «اتمنيت الموت بعد وفاة والدتي.. ومرات أبويا لابسة أسود عليها لدلوقتي»
ظهر الفنان سامح حسين في برنامج واحد من الناس مع الإعلامي عمرو الليثي وتحدث عن والدته الراحلة وأجهش بالبكاء.
وقال سامح حسين: "وفاة والدتي هزتني ووجعت قلبي، وفضلت 7 شهور بعدها بتمنى أموت، هي اتوفت وعندها 49 سنة، بعد ما جالها كانسر، وقعدت 6 شهور في المستشفيات، وأنا كنت ساعتها شخص قليل الحيلة ومازلت".
وأضاف: "لفينا مستشفيات كتيرة أوي ومكنش معانا فلوس، ولما كانت بتعوز كيس دم مكنتش بلاقي فلوس أجيبهولها، وفي أخر أيامها الدكتور قالي دي في خلال أسبوعين هتتوفى، فكانت حالة ربنا ما يوريها لاي حد، ووالدتي لما اتوفت لغاية دلوقتي مرات أبويا لابسة عليها أسود، وكان في بينهم حب جدا".
