مرتضى منصور لـ اتحاد الكرة: «ليه حاطين صورة الخطيب وصورتي لاء؟»
سخر مرتضى منصور رئيس نادي الزمالك، من وجود صورة محمود الخطيب رئيس الأهلي، على جدران اتحاد الكرة، كأحد أساطير ونجوم الكرة المصرية.
وقال مرتضى منصور خلال وجوده داخل مقر الجبلاية: "ليه حاطين صورة الخطيب ومش حاطين صورتي".
وعن حل أزمة قيد الصفقات الجديدة، قال: "أزمه وعدت على خير، كل الناس اللي بتقول نتخانق ونحاصر الاتحاد، دا كلام فارغ، انت قيدت لعيبتك ولك حق، تاخده بأي طريقه بالأدب أو المحكمة أو لجنة التظلمات المهم تاخد حقك".
وأوضح: "أنا جيت بنفسي لأن في أمور تتعلق هل الشيك له رصيد أو لاء؟، وهما اتصلوا بالبنك واتأكدوا والأزمة انتهت".
وواصل مرتضى: "أخدنا حقنا واللجنة قالت ده حقنا، وقالوا لسبب غير مفهوم رفضوا القيد، ودا درس إنك تقف ورا حقك علشان تاخذه، ونركز ولا نتخانق ولما كنت بتخانق انت بتتخانق ليه؟، ولما اتحلت بطريقة هاديه قولت لاء".
واختتم مرتضى منصور تصريحاته: "ياجمهور الزمالك المحترم، كل قلة الأدب هري ولا لها لازمة، الحق انتصر بالصبر والهدوء، ولسة الدوري طويل ولسه إفريقيا وربنا يكرمنا".
