«التريند جنن عقول بعض الناس».. رد تامر حسني على هجوم أحمد آدم
قرر الفنان تامر حسني مساندة الفنان أحمد آدم بعدما عرض خلال برنامجه بني آدم شو طريقة استغلال بعض الأشخاص للسوشيال ميديا بشكل سئ، وتداول التصريحات المسيئة على عكس ما يحدث مع الأشياء الإيجابية.
ونشر تامر حسني على حسابه الشخصي بموقع الصور الشهير إنستجرام، معلقًا: "أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم ولو ليوم واحد".
وتابع: "ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه".
وأضاف: "الحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه".
