سهير شلبي: «لما بيحصل حاجة مهمة بنط في البنطلون عشان أعمل سبق إعلامي»
قالت الإعلامية سهير شلبي، إن النجومية اللي وصلت إليها نتجت عن الاجتهاد الكبير في الشغل، معلقة: "مبسيبش مناسبة مهمة غير لما بعمل سبق إعلامي".
وأضافت سهير شلبي، خلال استضافتها ببرنامج "الستات"، المذاع على قناة النهار: "بنط من السرير لو في خبر مهم، في 5 دقايق أجري وألبس بنطلون وقميص جينز، وأكلم المسؤولين أقولهم ابعتولي كاميرا فورا، عشان أعمل سبق".
وتابعت: "ده يقظة واهتمام بالناس، لأنهم قلقانين على حدث مهم عايزه أطمنهم، والسبق ده بيعمل عدواة، لكن أنا مبقلقش من المنافسة، طالما بعمل شغل مميز هو بيظهر نفسه".
وأكملت: "نجيب محفوظ، قالي جملة "أنا لا أجيد الرد بالكلمات الجارحة لأني لا أجيد السباحة في الوحل"، مهما اللي قدامي حاول يستفزني، أنا برد بشغلي ونجاحي".
