ياسمين عز: «الراجل معندوش بوز عشان يلويه وكلنا عارفين مين اللي عنده»

وجهت الإعلامية ياسمين عز، مجموعة من النصائح للسيدات، قائلة: "الراجل معندوش بوز أصلًا عشان يلويه، وكلنا عارفين من اللي عنده بوز ولازم يداريه".

وقالت ياسمين عز خلال برنامجها "كلام الناس"، المذاع على قناة إم بي سي مصر: "مش كل ما يطلعلك مرض جديد على اسم طبق حلويات تمسكي فيه، مش معقول مش حياة، لو مش عارفه الفرق بين النرجسية والشركسية متتفلسفيش".

وأضافت: "الدكتور النفسي ساكت منك ومن عمايلك ومبيشتكيش، انسي النرجسية وقومي اعملي لجوزك طاسة بطاطس وشركسية، متكونيش مفترية، حبي حماتك عشان تعيشي عيشة هنية".

واختتمت حديثها: "حبي مشية جوزك ورجله، في ناس تانية بتموت في التراب اللي تحت رجله".