حورية فرغلي: «جالي اكتئاب واللي مش عاجبه شكلي ميبصش عليا»

تحدثت الفنانة حورية فرغلي عن تفاصيل خاصة بحياتها، خاصة بعد إجراء العديد من العمليات وتغير شكلها.

وقالت حورية فرغلي خلال استضافتها في برنامج مساء دي أم سي مع الإعلامية إيمان الحصري: "السنتين اللي فاتوا رجعت اكتسبت ثقة في نفسي من جديد، وبقيت بقول الحمد لله على اللي أنا فيه".

وتابعت: "اللي مش عاجبه أي حاجه فيا أو في شكلي يبص الناحية التانية وميبصش عليا وأنا الحمدلله مبسوطة بنفسي جدًا، والحمد لله على شكلي ومناخيري وأي حاجه ربنا عملها فيا وأنا راضية بكل حاجة".

وأضافت: "أنا طلعت من تجربة المرض دي متلغبطة وجالي اكتئاب وكنت بدور على أي ضوء واتقربت من ربنا وبقيت بصلي وبقرأ قرآن".

وقالت حورية فرغلي في تصريحات سابقة إنها تعرضت للتنمر، وشبهها البعض بـ أبوالهول ومايكل جاكسون، وإنها أجرت 27 عملية تجميل، ولا يوجد حاليًا أي عظام في قفصها الصدري بسبب الاستعانة به في عملية أنفها، الأمر الذى أثار جدلًا كبيرًا بين جمهورها.

وتابعت: "العمل اللى كان طول الوقت بيبتبعتلي ويتعرض عليا اختفى، وبكلم ناس في التليفون مش بيردوا عليا".