مخرج شهير يفتح النار على أحمد السقا: «أنا اللي شهرته ومش عايز يشتغل معايا»
فتح المخرج جمال عبد الحميد، النار على الفنان أحمد السقا، قائلًا: "أنا اللي شهرته لكن رفض يشتغل معايا".
وقال "عبد الحميد"، خلال حديثه ببرنامج "نص الكلام"، عبر قناة النهار: "أحمد السقا أنا اللي مقدمه، ووالده هو اللي طلب مني كدا، قدمته في علي بابا وبعدين اتخطف راح السينما".
وأضاف: "في حاجات كنت أصر أنه يلتزم ويشتغل، الفترة اللي كان بيشتغل فيها معايا كنت بحاول أخليه يعمل الدور زي ما أنا عاوزه".
وتابع: "لكن هو دلوقتي بيضرب نار وبينط ويعمل أكشن، وأنا مش حابب كده، هو ابني وأنا اللي مقدمه ويهمني شكله".
وأكمل: "مش قادر أقول إيه الغلط اللي عمله، كنت عاوزه في عمل وكلمته واتفقنا وبعدين بِعد ورفض لأنه كان بيعمل عمل مختلف، رغم أني كنت هقدمه بشكل جديد تمامًا".
