ألفت عمر: «أتمنى العمل مع أحمد عز.. وهذه كواليس فيلم النهارده يوم جميل»
حالة من النشاط الفني تعيشها الفنانة ألفت عمر، بعدما خرجت من عزلتها الفنية التي استمرت لفترة طويلة بسبب انشغالها بتربية طفلها.
قالت ألفت في حوارها لـمصر2030، إنها تحتفل هذه الأيام بنجاح مسلسل "إجازة مفتوحة"، الذي يعرض للمرة الثانية، بمشاركة شريف منير، ولقاء الخميسي، ومراد مكرم.
في البداية.. حدثينا عن دورك في مسلسل أجازه مفتوحة
"أجازه مفتوحة كنت بعمل شخصية أمانى وهي تعمل مدرسة، طبعًا كل الناس شافتها الحمد الله يعنى كان في رد فعل لطيف جدًا عليها، هى الست اللى كانت في أول العمل كدا تحس أنها عايزه تاخد بالها من شكلها وشعرها ولبسها، ومع تطور الدراما بنلاقيها شخصية اتطورت وبقت عايزه تشتغل وتنجح وتحقق ذاتها".
ما هو سر مشاركتك في مسلسل سكن بنات؟
"مسلسل سكن بنات تركيبته عكس أجازه مفتوحه، أولًا دى بنت في الجامعه بقالها 10 سنين مش عايزه تتخرج عشان بتشتغل كوافيره داخل الجامعه وفي نفس الوقت بتتطور الشخصيه وبتروح تتجوز واحد عمدة في بلد أرياف عشان فلوسه، الدور كان شخصية جديدة ومع وفاء عامر".
وماذا عن "مش هنفرح بيكي"؟
"مش هنفرح بيكي، شخصية كان همها تحقق لصاحبتها فكره الجواز زى ما هى اتجوزت بغض النظر عن إنها تبقى مبسوطة في الجواز أو لا، وكانت بتساعد الدكتورة اللى جسدتها الفنانة جومانا مراد".
ما هو أصعب دور لك حتى الآن؟
"أصعب دور لي لسا مجاش لحد دلوقتي".
من هو الفنان الذي تتمنى العمل معه؟
"أحمد عز اتمنى العمل مع في السينما، انا اشتغلت معاه راديو رمضان الماضي".
ما هي الشخصية التي أخرجتي فيها أفضل ما لديكي؟
"دور صفاء في فيلم النهارده يوم جميل، نزل في أكثر من دولة عربية، ودخل مهرجان مالبو، هينزل قريب ف مصر، أنا عاملة شخصية محجبة اسمها صفاء، أنا مش هقدر اتكلم عنها كتير عشان محرقش الدور".
