«بدور عليك وسط الناس».. رسالة مؤثرة من حسين الشحات لوالده بعد وفاته
وجه حسين الشحات لاعب الفريق الأول لكرة القدم بالنادي الأهلي، رسالة مؤثرة لزوج والدته والذي يعد بمثابة والده، بعد وفاته في الساعات الأولى من صباح أمس الثلاثاء.
وكتب الشحات عبر حسابه الرسمي على موقع التواصل الاجتماعي "فيسبوك": "لحد دلوقتي مش مصدق يا حبيبي، طيب مين هيكلمني بعد الماتش ويصلح أخطائي ويزعقلي لو مش موفق، طيب مين هيقولي أنت أحسن لاعيب في مصر، كمل زي ما أنت ودوس على نفسك تاني يا حبيبي".
وأضاف: "طيب مين وعد أحمد وآسر وتيم يعلمهم كرة زي ما علمتني، ووعدهم إنك هتخليهم أحسن مني، أقولهم إيه دلوقتي؟، حاسس إني بحلم يإرب يبقي حلم وأصحى أشوفك تاني، وأخدك في حضني أنت في مكان أحسن عند ربنا اللي أحسن وأحن مننا كلنا".
وواصل: "ربنا يرحمك يا حبيبي يا رب مفيش أحن منك ولا أطيب منك طول عمرك طيب، ودائما كنت بتحب الهزار والضحك زي في الصور".
واختتم حسين الشحات رسالته: "كنت عمال أدور عليك في وسط الناس، كنت مستنيك تيجي والله وأشوفك كنت حاسس هشوفك، كان نفسي تبقي موجود وتشوف الناس اللي كانت موجودة والناس اللي بتحبك، ربنا يرحمك يا بابا يارب".
