منة فضالي: «ياسمين صبري ممثلة ضعيفة ومقبلش اسمها يتكتب قبل اسمي»
كشفت الفنانة منة فضالي عن رأيها في النجمة ياسمين صبري، حيث قالت إنها ضعيفة في التمثيل، ولكنها تصلح لأن تكون موديل.
وتابعت منة فضالي خلال حوارها في برنامج VIP مع الإعلامية أميرة بدر: "ياسمين صبري حلوة وشيك ماشاء الله، ولكن التمثيل عايز الموهبة، ولو أنا معنديش موهبة يبقى أدرس مش عيب، وممكن ابقى ببتدي انهارده بس مينفعش أعمل بطولة، القماشة هتبقى واسعة على البني آدم".
واستكملت: "لو عايزة تمثل وتبقى نجمة ونمبر وان زي ما هي عايزة تبقى بطلة، تشتغل على نفسها عشان محدش يعلق عليها، هي ممكن تكون ممثلة كويسة ولكن مش موهوبة".
وأضافت: "مغلطتش فيها وبتشرف مصر وبتعمل فوتوسيشن موديل حلوة طبعًا، جاتلها فرصة مع محمد سامي في مسلسل كبير ولكن معرفتش تحافظ عليها، وأنا مقبلش اسمها يسبق اسمي على تتر".
