خالد عليش يرد على أنباء احتجازه في جنوب أفريقيا

حرص الفنان خالد عليش أن يرد على على الأنباء التي تداولت الساعات الماضية حول احتجازه في جنوب افريقيا بعد ظهور متحور أوميكرون أثناء قضاءه شهر العسل .

وكتب على صفحته الرسمية عبر موقع التواصل الاجتماعي «فيس بوك» قائلًا: «السادة الزملاء من الصحفيين والإعلاميين انا مقدر جدًا لجهودكم انكم توصلوا لمعلومة في إطار إنكوا بتطمنوا علينا».
وأضاف: «بس الواقع هو إن إحنا الحمد لله كويسين حقيقي ماكنش في داعي للعناوين الرنانة والمصطلحات الغريبة شهر العسل قلب غم محتجزين شهر العسل باظ».
وتابع: «لحد الوقت اللي بكتب فيه ده احنا بخير و الاجازة بتاعتنا زي ما هي خلصناها قبل الميعاد بيوم بس والبرنامج السياحي عملناه كله وراجعنا الحمدلله وعملنا تحليل في مطار القاهرة قبل الدخول تطبيقا للاجراءات الوقائية الجديدة اسمه ID NOW».
أفاد: «طلع سلبي الحمدلله وهنستكمل الاجراءات الاحترازية اللي تم ابلاغنا بيها من الجهات المختصة، المصريين يقدرو يروحو ويجوا جنوب أفريقيا عادي مع إجراءات و تعليمات».
واختتم خالد عليش حديثه قائلًا: «لأن مصر الطيران لغت رحلة واحدة بس اللي بتيجي وتروح جوهانسبرج ودي مكانتش طيارتنا اساسا ليه عايزين نكد و غم بالعافية، ليه مصممين أن احنا في نكد الستوريز والصور اللي بنزلها مش عشان تاخدوها تعملو عليها خبر».